Arrasateko AED Elkarteak, Zahar-Berri mintzapraktika egitasmoaren baitan, ahozkotasunaren aldeko apustua eginez, ipuinak kontatzera gonbidatu ninduen atzo.
Saio polita atera zen eta oso interesgarria bukaeran atera zen gaia: euskara bizirik dago eta komunikatzeko, kontatzeko erabili behar dugu. Tituloen gainetik, erabilera dago, barrutik ateratzen dena adierazteko.
Saioa Arrasateko Gaztetxean izan zen, asanbladak espazioa guretzat ireki zuelako.
Eskerrik asko AED elkarteari, Gaztetxeari eta etorri zineten guztioi!